Հայտերի ներկայացման հրավեր - Բնական ռեսուրսների գնահատում և կայուն օգտագործման վերաբերյալ առաջարկությունների մշակում

Հայտերի ներկայացման հրավեր

Բնական ռեսուրսների գնահատում և կայուն օգտագործման վերաբերյալ առաջարկությունների մշակում

«Հանուն Մարդու» և «Էկոգլոբ» հասարակական կազմակերպությունները հրավիրում են համապատասխան փորձառություն ունեցող մասնագետներին և կազմակերպություններին ներկայացնել տեխնիկական և ֆինանսական առաջարկներ՝ Վայոց ձորի մարզի Վայք և Ջերմուկ համայնքների 19 ծրագրային գյուղերում բնական ռեսուրսների գնահատման աշխատանքներ իրականացնելու համար։

Աշխատանքն իրականացվում է «Կենտրոնական Հայաստանում պահպանվող տարածքների բուֆերային գոտիների կայուն զարգացում» ծրագրի շրջանակներում, որը ֆինանսավորվում է Գերմանիայի Դաշնային տնտեսական համագործակցության և զարգացման նախարարության (BMZ) կողմից։

Գնահատման արդյունքները կօգտագործվեն ծրագրի 1.3 գործողության՝ բնական ռեսուրսների օգտագործման հայեցակարգի մշակման համար։

Աշխատանքի նպատակն է գնահատել ծրագրային գյուղերի բնական ռեսուրսների ներկա վիճակը, դրանց օգտագործման հիմնական ձևերը, առկա խնդիրներն ու հնարավորությունները, ինչպես նաև մշակել գործնական առաջարկություններ բնական ռեսուրսների կայուն օգտագործման համար։

• Առկա փաստաթղթերի, համայնքային զարգացման ծրագրերի և հասանելի տվյալների ուսումնասիրություն
• Ծրագրային գյուղերում բնական ռեսուրսների նախնական գույքագրում
• Գյուղատնտեսական հողերի, արոտավայրերի, անտառային տարածքների և ջրային ռեսուրսների օգտագործման գնահատում
• Բնական ռեսուրսների օգտագործման հիմնական խնդիրների և ճնշումների բացահայտում
• Հողօգտագործման հնարավոր հակասությունների և ռիսկերի վերլուծություն
• Համայնքների, ֆերմերների, անասնապահների և այլ շահագրգիռ կողմերի հետ խորհրդակցությունների իրականացում
• Յուրաքանչյուր ծրագրային գյուղի համար կարճ բնական ռեսուրսների պրոֆիլի պատրաստում
• Բնական ռեսուրսների կայուն օգտագործման վերաբերյալ գործնական առաջարկությունների մշակում
• Բնական ռեսուրսների օգտագործման հայեցակարգի մշակման համար վերլուծական նյութերի տրամադրում

• Գյուղատնտեսական հողեր և դրանց օգտագործում
• Արոտավայրեր և անասնապահության հետ կապված ռեսուրսներ
• Անտառներ և անտառամերձ տարածքներ
• Գետեր, աղբյուրներ և այլ ջրային ռեսուրսներ
• Բնական լանդշաֆտներ և էկոհամակարգային ծառայություններ
• Բնական ռեսուրսների օգտագործման սոցիալ-տնտեսական նշանակությունը
• Բնական ռեսուրսների պահպանության և կայուն օգտագործման հնարավորություններ

• Բնական ռեսուրսների գնահատման հաշվետվություն
• 19 ծրագրային գյուղերի բնական ռեսուրսների կարճ պրոֆիլներ
• Ռեսուրսների օգտագործման հիմնական խնդիրների և հնարավորությունների վերլուծություն
• Շահագրգիռ կողմերի հետ խորհրդակցությունների ամփոփում
• SWOT վերլուծություն կամ համարժեք վերլուծական աղյուսակներ
• Կայուն օգտագործման վերաբերյալ գործնական առաջարկություններ
• Առաջնահերթ գործողությունների նախնական ցանկ
• Նյութեր և առաջարկություններ բնական ռեսուրսների օգտագործման հայեցակարգում ներառելու համար

• Բնական ռեսուրսների կառավարման, բնապահպանության, գյուղատնտեսության, լանդշաֆտային պլանավորման կամ հարակից ոլորտներում փորձ
• Համայնքային կամ գյուղական տարածքներում դաշտային գնահատման փորձ
• Շահագրգիռ կողմերի հետ հարցազրույցների և խորհրդակցությունների իրականացման փորձ
• Վերլուծական և կիրառական հաշվետվությունների պատրաստման կարողություն
• Հայաստանի գյուղական համայնքների բնական ռեսուրսների օգտագործման խնդիրների իմացությունը ցանկալի է

• Ինքնակենսագրական կամ կազմակերպության համառոտ ներկայացում
• Համապատասխան փորձի նկարագրություն
• Նմանատիպ իրականացված աշխատանքների ցանկ
• Տեխնիկական առաջարկ
• Ֆինանսական առաջարկ

Հայտերն ընդունվում են մինչև 2026 թվականի հուլիսի 5-ը, ժամը 18:00։

Հայտերն անհրաժեշտ է ուղարկել հետևյալ էլեկտրոնային հասցեին՝

Էլ․ փոստ՝ info@fpan.am

Էլեկտրոնային նամակի թեմայում խնդրում ենք նշել՝

Natural Resource Assessment – Activity 1.3