Ծրագրի մասին
«Բնության հատուկ պահպանվող տարածքների բուֆերային գոտիների կայուն զարգացում և գյուղական համայնքներում աղքատության նվազեցում» ծրագիրն իրականացվում է 2026 թվականի ապրիլից մինչև 2029 թվականի մարտը։
Ծրագիրը նախաձեռնվել է Գերմանիայի բնության պահպանության միության՝ NABU-ի կողմից և իրականացվում է Գերմանիայի տնտեսական համագործակցության և զարգացման դաշնային նախարարության՝ BMZ-ի և ԱԿԲԱ բանկի աջակցությամբ։
Հայաստանում ծրագիրն իրականացվում է «Հանուն Մարդու և Բնության» հայկական ասոցիացիա ՀԿ-ի (FPAN) և «Էկո-Գլոբ» բնապահպանական հասարակական կազմակերպության կողմից։
Ծրագիրը միավորում է բնապահպանական, տնտեսական և սոցիալական զարգացման միջոցառումները՝ նպաստելով համայնքների կենսունակության բարձրացմանը և բնության պահպանությանն ուղղված երկարաժամկետ լուծումների ձևավորմանը։
Ծրագրի նպատակը
Աջակցել Հեր-Հերի արգելավայրի հարակից համայնքներին՝ բնական ռեսուրսների կայուն կառավարման, կենսաբազմազանության պահպանության, նոր տնտեսական հնարավորությունների զարգացման և գյուղական բնակչության բարեկեցության բարձրացման միջոցով։
Ինչո՞ւ է ծրագիրը կարևոր
Բուֆերային գոտիները հատուկ պահպանվող բնատարածքների և բնակավայրերի միջև կարևոր կապող տարածքներ են։ Դրանց ճիշտ կառավարումը նպաստում է բնության պահպանությանը՝ միաժամանակ ստեղծելով կայուն տնտեսական հնարավորություններ տեղական բնակչության համար։
Վայոց ձորի մարզի Վայք և Ջերմուկ համայնքներ
Ծրագիրն իրականացվում է Հեր-Հերի արգելավայրի հարակից 19 գյուղական բնակավայրերում։ Ծրագրային գյուղերը միավորված են բնական ռեսուրսների, գյուղատնտեսության, տեղական տնտեսության և բնապահպանական խնդիրների շուրջ։
Ծրագրում ընդգրկված բնակավայրերը
Ծրագրի շահառուները
Ծրագրի միջոցառումներին կմասնակցեն գյուղական համայնքների բնակիչներ, գործող և նորաստեղծ ձեռնարկություններ, կոոպերատիվներ, քաղաքացիական հասարակության ներկայացուցիչներ և սոցիալապես խոցելի խմբեր։
Ծրագրի հիմնական բաղադրիչները
Ծրագիրը բաղկացած է երեք փոխկապակցված բաղադրիչներից, որոնք համատեղում են բնապահպանությունը, ձեռնարկատիրության զարգացումը և սոցիալ-տնտեսական աջակցությունը։
Հողերի և բնական ռեսուրսների կայուն կառավարում
- Տեղեկատվական և խորհրդատվական միջոցառումներ՝ հողերի և բնական ռեսուրսների կայուն կառավարման վերաբերյալ
- Հեր-Հերի արգելավայրի բուֆերային գոտու կենսաբազմազանության ուսումնասիրություն
- Բնական ռեսուրսների կայուն օգտագործման վերաբերյալ առաջարկությունների մշակում
- Բնապահպանական հասարակական կազմակերպությունների ստեղծում և կարողությունների զարգացում
- Բնական ռեսուրսների կայուն օգտագործման վերաբերյալ դասընթացներ
- Մարդ–վայրի բնություն կոնֆլիկտների նվազեցմանն ուղղված միջոցառումներ
- Կանխարգելիչ միջոցների և լուծումների ներդրում
- Ծառատնկման աշխատանքների իրականացում
- Արևային կայանների, կաթիլային ոռոգման և ջրային ռեսուրսների կառավարման համակարգերի ներդրում
Կոոպերատիվների և փոքր բիզնեսների զարգացում
- Տեղական արժեքային շղթաների զարգացման և ամրապնդման դասընթացներ
- Բիզնես պլանավորման վերաբերյալ դասընթացներ
- Ֆինանսների կառավարման և ֆինանսական գրագիտության զարգացում
- Մարքեթինգի և հանրային կապերի վերաբերյալ խորհրդատվություն
- Կոոպերատիվների ստեղծման և կառավարման աջակցություն
- Կայուն ռեսուրսների օգտագործմանն ուղղված օրինակելի ծրագրերի իրականացում
- Մասնակցություն ազգային ցուցահանդեսների և տոնավաճառների
- Տեղական արտադրանքի առաջխաղացման արշավների իրականացում
Կանանց և տեղահանված անձանց սոցիալ-տնտեսական աջակցություն
- Նոր հնարավորությունների, զբաղվածության և եկամտի աղբյուրների վերաբերյալ տեղեկատվական միջոցառումներ
- Կանանց և տեղահանված ընտանիքների անդամների համար բիզնես դասընթացներ
- Մասնագիտական հմտությունների զարգացման դասընթացներ
- Անհատական և խմբային խորհրդատվություն
- Սարքավորումների և անհրաժեշտ նյութական միջոցների տրամադրում
- Եկամտաբեր գործունեության և ինքնազբաղվածության խթանում
- Կանանց տնտեսական մասնակցության և համայնքային դերի բարձրացում
Տեղեկատվական կենտրոն
Ծրագրի շրջանակում նախատեսվում է ստեղծել տեղեկատվական կենտրոն, որը կդառնա բնապահպանական կրթության, համայնքային հանդիպումների, հանրային քննարկումների, դասընթացների և փորձի փոխանակման մշտական հարթակ։
Կենտրոնը կծառայի ծրագրային համայնքների բնակիչներին ոչ միայն ծրագրի իրականացման ընթացքում, այլև ծրագրի ավարտից հետո՝ նպաստելով նախաձեռնությունների շարունակականությանը և ծրագրի արդյունքների երկարաժամկետ պահպանմանը։
Ծրագրի ակնկալվող արդյունքները
Ֆինանսավորող, նախաձեռնող և իրականացնող գործընկերներ
Կապ
Ծրագրի գործունեության, միջոցառումների և մասնակցության հնարավորությունների վերաբերյալ լրացուցիչ տեղեկությունների համար խնդրում ենք կապ հաստատել ծրագրի համակարգողի հետ։
Նարեկ Գրիգորյան
Հեռ․ +374 93 420062
Էլ․ փոստ․ narek.grigoryan@fpan.am
Ծրագիրը նախաձեռնվել է Գերմանիայի բնության պահպանության միության (NABU) կողմից և ֆինանսավորվում է Գերմանիայի տնտեսական համագործակցության և զարգացման դաշնային նախարարության (BMZ) կողմից։
Հայաստանում ծրագրի գլխավոր գործընկերն Ակբա բանկն է։
Հայաստանում ծրագիրն իրականացվում է «Հանուն մարդկանց և բնության հայկական ասոցիացիա» (FPAN) և «Էկո-Գլոբ» բնապահպանական հասարակական կազմակերպության կողմից։
