Օրգանական գյուղատնտեսության զարգացման ծրագիր
Ծրագիրն աջակցում է Հայաստանի օրգանական արտադրողներին, ֆերմերներին և գյուղատնտեսական կազմակերպություններին՝ նպաստելով որակյալ, անվտանգ և շրջակա միջավայրի համար պատասխանատու արտադրության զարգացմանը։
Օրգանական գյուղատնտեսությունը գյուղատնտեսական գործունեության յուրահատուկ տեսակ է, որը ներդաշնակ է ագրոէկոհամակարգերի հետ և իրականացվում է համապատասխան տեխնիկական կանոնակարգերի ու նորմատիվ փաստաթղթերի պահանջներին համապատասխան։
Օրգանական գյուղատնտեսական արտադրանքը ներառում է օրգանական մեթոդներով արտադրված կամ վերամշակված կենդանական և բուսական ծագման մթերքներ և հումք, ինչպես նաև վայրի բույսեր։
Գոմաղբը, կենսահումուսը և թռչնաղբը բարելավում են հողի կառուցվածքը, հարստացնում այն օրգանական նյութերով և բարձրացնում բերրիությունը։
Ծրագրի մասին
Օրգանական գյուղատնտեսության զարգացման ծրագիրը մեկնարկել է 2015 թվականին NABU-ի և Ակբա բանկի նախաձեռնությամբ։
2026 թվականից, NABU-ի հայաստանյան մասնաճյուղի գործունեության ավարտից հետո, ծրագիրը փոխանցվել է «Հանուն մարդկության և բնության» հայկական ասոցիացիային (FPAN), որը շարունակում է դրա իրականացումը Ակբա բանկի հետ համագործակցությամբ։
Այսօր ծրագիրը ներառում է ավելի քան 100 շահառու ամբողջ Հայաստանի տարածքում։
Ծրագրի հիմնական նպատակները
Ծրագրի շրջանակում հայտարարված մրցույթի հաղթող կազմակերպությունները, ֆերմերներն ու գյուղատնտեսները հնարավորություն են ստանում համաֆինանսավորմամբ անցնել օրգանական սերտիֆիկացում և ընդլայնել իրենց արտադրանքի արտահանման հնարավորությունները։
Ծրագրի աշխարհագրություն
Ծրագրի շահառուները ներկայացված են Հայաստանի տարբեր մարզերից՝ ընդգրկելով գյուղատնտեսական արտադրության, վերամշակման, մեղվաբուծության, չրարտադրության և բուսական արտադրանքի ոլորտները։
ՄԱԿ-ի Կայուն զարգացման նպատակներ
- Զրոյական սով — SDG 2
- Պատասխանատու սպառում և արտադրություն — SDG 12
- Կյանք ցամաքում — SDG 15
- Գործընկերություն հանուն նպատակների — SDG 17
Կապ
Լրացուցիչ տեղեկությունների համար խնդրում ենք կապ հաստատել ծրագրի համակարգողի հետ՝
Նարեկ Գրիգորյան
Հեռ․ +374 93 420062
Էլ․ փոստ․ narek.grigoryan@fpan.am
