Գիշատիչ թռչունները մեր ժողովրդի մոտ մշտապես հարգանքի առարկա են եղել, ինչի վկայությունն է, օրինակ, արծվի պատկերը ՀՀ պետական գերբի վրա։
Այս թռչունների շուրջ գոյություն ունեն բազմաթիվ լեգենդներ, առասպելներ և ծեսեր, որոնք պայմանավորված են նրանց որսորդական հմտություններով, սրատեսությամբ, ուժով և վեհությամբ։
Այդուհանդերձ, հաճախ հանդիպում են դեպքեր, երբ անգիտակից կամ գիտակցված բռնություններ են իրականացվում՝ գիշատիչ թռչունների հանդեպ, օրինակ՝ ձագերին վերցնելը նրանց բներից և տանը պահելը։ Որոշ ժամանակ անց այդ թռչունները կարող են ազատ արձակվել, բայց հաճախ պահվում են անազատության մեջ կամ նույնիսկ դառնում ծաղրի առարկա։ Նույնիսկ կան դեպքեր, երբ ձագերը վաճառվում են՝ ֆինանսական շահ շահելու նպատակով, ինչը վնասում է տեսակների պոպուլյացիային և սթրեսի է ենթարկում բնադրող զույգերին։
Գիշատիչ թռչունները կարևոր դեր են կատարում մեր էկոհամակարգերում և սննդային շղթաներում, և նրանց պաշտպանությունը առաջնահերթություն է։ Նրանք մեր ազգային հարստությունն են, և յուրաքանչյուր մարդ պետք է ակտիվ մասնակցի նրանց պահպանությանը՝ չթույլատրելով խանգարել նրանց բնական կյանքին։
FPAN «Գյուղական տուրիզմի զարգացման» ծրագիրը համագործակցում է ՀՀ շրջակա միջավայրի նախարարության հետ՝ գիշատիչ թռչունների ուսումնասիրության և պահպանության ուղղությամբ։
Հիշեցնենք, որ գիշատիչ թռչնատեսակների մեծ մասը ընդգրկված է ՀՀ Կարմիր գրքում։
Ամեն մեկը կարող է օգնել մեզ պահպանել այս թռչուններին՝ միասին գործելով ավելի արդյունավետ պահպանության համար։
