Դիմում՝ նոր բնապահպանական հասարակական կազմակերպություն ստեղծելու և փոքր բնապահպանական ծրագիր ներկայացնելու համար

«Բնության հատուկ պահպանվող տարածքների բուֆերային գոտիների կայուն զարգացում և գյուղական համայնքներում աղքատության նվազեցում» ծրագրի շրջանակում նախատեսվում է աջակցել երեք նոր բնապահպանական հասարակական կազմակերպությունների ստեղծմանը և կարողությունների զարգացմանը։

Դիմել կարող են ծրագրի թիրախային բնակավայրերում բնակվող կամ գործունեություն իրականացնող նախաձեռնող խմբերը և ակտիվ քաղաքացիները, որոնք՝

• ցանկանում են ստեղծել բնապահպանական հասարակական կազմակերպություն,
• ունեն առնվազն երկու կամ երեք հոգուց բաղկացած նախաձեռնող թիմ,
• պատրաստ են մասնակցել կազմակերպական զարգացման դասընթացներին,
• ունեն իրենց համայնքի բնապահպանական խնդրի լուծմանն ուղղված ծրագրային գաղափար,
• պատրաստ են համագործակցել համայնքի բնակիչների, տեղական ինքնակառավարման մարմինների և այլ շահագրգիռ կողմերի հետ։

Ընտրված նախաձեռնող խմբերը կարող են ստանալ՝

• ՀԿ-ի ստեղծման և պետական գրանցման խորհրդատվություն,
• կազմակերպության առաքելության, կանոնադրության և կառավարման կառուցվածքի մշակման աջակցություն,
• ծրագրերի կառավարման, ֆինանսների, հաշվետվողականության և հաղորդակցության դասընթացներ,
• անհատական մենթորական և խորհրդատվական աջակցություն,
• փոքր բնապահպանական ծրագրի վերջնական մշակման և իրականացման հնարավորություն։

Դիմումի շրջանակում նախաձեռնող խումբը պետք է ներկայացնի նաև այն փոքր բնապահպանական ծրագրի նախնական գաղափարը, որը ցանկանում է իրականացնել նորաստեղծ ՀԿ-ի միջոցով։

Ներկայացվող ծրագրի ընդհանուր բյուջեն չի կարող գերազանցել 4,000 եվրոյին համարժեք գումարը։

Դիմումի ներկայացումը չի երաշխավորում ՀԿ-ի ստեղծման աջակցության, դրամաշնորհի կամ ֆինանսավորման տրամադրում։ Դիմումները գնահատվելու են մրցութային կարգով։