2024 թվականին FPAN «Գյուղական տուրիզմի զարգացման» ծրագրի կողմից Հայաստանում նշադրվել է երիտասարդ քարարծիվ։
Արբանյակային տվիչի փոխանցած տվյալների համաձայն՝ թռչունը դրսևորում է դասական վարքագիծ, ժամանակի մեծ մասը անցկացնում է ծննդավայրի մոտակա տարածքում, երբեմն հեռանալով մինչև 60 կմ, ապա նորից վերադառնում է։
Քարարծիվները առանձնանում են ծննդավայրի հետ ունեցած ուժեղ կապվածությամբ։ Գիտենք, որ նրանք տարածքային թռչուններ են, և իրենց բնի շրջակայքը որոշակի շառավղով հիմնականում պահպանում են՝ այլ գիշատիչ թռչունների մոտենալը թույլ չտալով։
Շատ երիտասարդ քարարծիվներ մինչև սեռահասուն դառնալը իրականացնում են կարճ ճամփորդություններ ծննդավայրից հեռու, այնուհետև ընտրում զույգը, բնադրավայրն ու մշտական բնակությունը հենց այդ տարածքում։
Հետաքրքրական է, որ վերջերս մեր գործընկերները Ղազախստանից արբանյակային տվիչ են տեղադրել երիտասարդ քարարծվի վրա, և տվյալները ցույց են տվել, որ թռչունը ձմեռման է մեկնել իր բնադրավայրից բավականին հարավ՝ արտահայտելով միգրացիոն վարքագիծ։
Հիշեցնենք, որ քարարծիվը 2023 թվականին ճանաչվել է Հայաստանի տարվա թռչուն, և այդ առթիվ իրականացվել են մի շարք հետազոտական աշխատանքներ, որոնք FPAN «Գյուղական տուրիզմի զարգացման» ծրագիրն շարունակում է իրականացնել մինչ այսօր։
