Հայտարարում ենք գյուղական և կանաչ զբոսաշրջության դասընթացներ Հայաստանի բոլոր մարզերում գործող հյուրատների համար։ Դասընթացները կանցկացվեն Վայոց ձորում, Արագածոտնում և Գեղարքունիքում։
Դասընթացին կարող են դիմել Հայաստանի բոլոր մարզերում գործող հյուրատների սեփականատերերը կամ կառավարիչները՝ գրանցվելիս ընտրելով դասընթացի անցկացման երեք վայրերից իրենց հարմար տարբերակը։ Մասնակցության պարտադիր պայմանն է՝ հյուրատունը պետք է ունենա հյուրերի տեղավորման համար նախատեսված առնվազն 4 առանձին սենյակ։
Մասնակիցները ոչ միայն կստանան օգտակար գիտելիքներ, այլև մասնագետների օգնությամբ կգնահատեն իրենց հյուրատան ներկա վիճակը, կբացահայտեն դրա ուժեղ կողմերն ու զարգացման կարիքները։
Դասընթացների ավարտին մասնակից հյուրատների համար կհայտարարվի աջակցության մրցույթ։ Մրցույթի պայմանները, դիմելու կարգը և գնահատման չափանիշները կներկայացվեն դասընթացի ընթացքում։
Մասնակցության հայտը պետք է լրացնել մինչև 2026 թվականի սեպտեմբերի 10-ը՝ ներառյալ։ Դասընթացների անցկացման ճշգրիտ վայրի և ժամի մասին գրանցված մասնակիցներին կտեղեկացնենք լրացուցիչ։
